TMSS tímarnir
Boðið er upp á námskeið 1 og 2 á Akureyri í sumar
í salnum hjá Akureyri Yoga að Súluvegi 2, og í beinni útsendingu á netinu.
Tímarnir eru tvisvar sinnum í viku í fjórar vikur hvert,
á þriðjudögum og fimmtudögum kl 10:00 -11:10.
Tímarnir eru kenndir í sal með nemendum og eru einnig í beinni útsendingu á síðunni sem hægt er að kaupa aðgang að.
Allir iðkendur námskeiðsins hafa aðgang að videóum úr tímanum til að æfa þegar þeim hentar og aukalega í þrjá mánuði eftir að námskeiði líkur.
(ATH: Nemendur sjást ekki í myndbandinu heldur bara kennarinn).
Uppsetning tímanna:
5-10 mínútur jarðtenging og öndun
10 mínútuna mjúk upphitun og teygjur
10-15 mínútur líkamshluta æfingar
10-15 mínútur teygjur og rúlla
20 mínútna slökun
Slökun og hugleiðsla hjálpar þér að sameina huga og líkama, og trúðu mér - útkoman er æðisleg!
RAKEL EYFJÖRÐ
Upphafið er mikilvægt
Hver tími byrjar á að iðkendur jaðtengi sig inn í umhverfið, beina athyglinni innávið og sleppa því sem er fyrir utan. Iðkandi velur að vera annað hvort sitjandi, liggjandi eða standandi.
Spurt er: hvað vill líkami þinn í dag?
Samhæfing öndunar og hreyfingar
Lært er að tengja öndun við hreyfingarnar, þ.e.a.s "samhæfa öndun og hreyfingu". sem einfaldar iðkun og losar fyrr um stirðleika og spennu í vöðvum. Iðkandinn verður meðvitaðari í tímanum á hvaða vöðva er verið að vinna með hverju sinni.
Jógabúnaður alltaf við hendina
Búnaður í hefðbundu yoga er mestmegnis yogadýna og kubbar, en í TMSS YOGA eru öll props notuð, til að mynda kubbar, strappi, nuddrúlla, bolti, jógapúði, teppi, koddi og stóll. Þessi props eru til þess gerð að aðstoða líkamann svo iðkandi geti aðlagað stöðurnar sem best að sér.
Aðstoð í tímum og líka á netinu
Það er mikilvægt að kennarinn aðstoði iðkendur í tímum og því er kenndar margar útfærslur af æfingum svo hver og einn geti fundið leið sem hentar sér í tímanum. Það er mikilvægt að hver og einn þrói með sér tilfinningu gagnvart eigin mörkum, þannig næst bestur árangur í iðkun.
